Alli: Kosova duhet të plotësoj disa kushte për tu bërë anëtare e NATO-s

10:47 | 29 Qershor 2018
Arbresh.info

Delegacioni i Asamblesë Parlamentare të NATO-s, është takuar sot nga Kryesia e Kuvendit të Republikës së Kosovës.

Kryesuesi i Kryesisë, Xhavit Haliti tha se diskutuan së bashku për çështjet që kanë të bëjnë më integrimin e Kosovës në Bashkimin Evropian, raporton arbresh.info.

“Ne si Kosovë jemi të përkushtuar për integrim në BE dhe në NATO. E sigurova delegacionin se do plotësojmë të gjitha standardet për këto integrime”, tha Haliti.

Ndërkaq, Paolo Alli, president i Asamblesë Parlamentare të NATO-s, tha se ka progres në Kosovë por që janë disa kushte që duhet plotësuar për tu bërë anëtare e NATO-s.

“Ne jemi duke parë progres të madh në rajon dhe në Kosovë. Në e kuptojmë që populli don të anëtarësohet në NATO. Por, janë disa kushte që duhet të plotësohen për tu bërë anëtare e NATO-së. Janë disa kushte esenciale siç është paqja me Serbinë , luftimi i korrupsionit, angazhimi në luftën kundër korrupsionit”, u shpreh Alli./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm